Thursday, May 21, 2009

GURU AARTI


this Guru Aarti is recited everyday at d ashram..........

Aum Jai Gurudev Kaho, Sab Jai Gurudev Kaho,
Beheti Pyaar Ki Dhaara (2), Milkar Saath Baho ! Aum Jai Gurudev Kaho

Guru Hai Roop Prabhu Ka, Guru Prabhu Ka Vistaar,
Guru Par Dhyan Lagaao(2),Kholo Man Ke Dwaar ! Aum Jai Gurudev Kaho

Guru Puja Ki Baati, Guru Hai Divya Prakash,
Guru Suraj Chanda Hai(2), Guru Dharti Aakash ! Aum Jai Gurudev Kaho

Guru Ganga Ki Dhaara, Guru Vedon Ka Gyaan,
Guru Ki Vaani Sachi(2), Guru Tirath Vardaan ! Aum Jai Gurudev Kaho

Guru Mamta Seva Hai, Guru Shraddha Vishwaas,
Guru Ke Path Par Chalkar(2), Bujh Jaati Har Pyaas ! Aum Jai Gurudev Kaho

Guru Ka Gyan Aseemit, Guru Ki Kripa Apaar,
Guru Ki Karuna Hoto(2), Ho Jaaye Uddhaar ! Aum Jai Gurudev Kaho

Guru Aanand Abhay Hai, Guru Utsav Utkarsh,
Jeevan Ke Aadhaaron Par(2), Guru Dharta Hai Harsh ! Aum Jai Gurudev Kaho

Ravi Ka Tej Hai Mukh Par, Shankar Saa Tap Gyan,
Shwet Vastra Man Harsheet(2), Baal Sulabh Muskaan ! Aum Jai Gurudev Kaho

Aise Guru Ko Paakar, Dhanya Hue Sab Log,
Jagat Kutumbh Bana Hai(2),Yah Adhbut Sanjog ! Aum Jai Gurudev Kaho

Aum Jai Gurudev Kaho, Sab Jai Gurudev Kaho,
Beheti Pyaar Ki Dhaara (2), Milkar Saath Baho ! Aum Jai Gurudev Kaho ! Aum Jai Gurudev Kaho !

1 comment: